కానిస్టేబుల్ ఎంపికకు మెడికల్ టెస్టు తేదీల ప్రకటన
కానిస్టేబుల్ ఎంపికకు ఎస్ఎస్సీ (స్టాఫ్ సెలక్షన్ కమిషన్), సీఆర్పీఎఫ్ నోటిఫికేషన్లు విడుదల చేసిన విషయం తెలిసిందే. అయితే ఈ ఎంపికకు సంబంధించిన మెడికల్ ఎగ్జామినేష‌న్ తేదీల‌ను స్టాఫ్ సెలక్షన్ కమిషన్ (ఎస్ఎస్సీ) విడుదల చేసింది.
సీఆర్పీఎఫ్, ఎన్ఐఏ, ఎస్ఎస్ఎఫ్‌, అస్సామ్ రైఫిల్స్‌లో ఖాళీగా ఉన్న 1,724 కానిస్టేబుల్, రైఫిల్‌మెన్ పోస్టుల‌ను భ‌ర్తీచేయ‌నుంది. వీటికి మెడికల్ టెస్టు‌లు ఆగ‌స్టు 24 నుంచి సెప్టెంబ‌ర్ 10 వ‌ర‌కు జ‌రుగ‌నున్నాయి.
మెడికల్ టెస్టుకు సంబంధించిన ఈ-అడ్మిట్ కార్డులు ఎస్ఎస్సీ అధికారిక వెబ్‌సైట్‌ https://ssc.nic.in/ లో, సీఆర్పీఎఫ్ వెబ్‌సైట్‌ http://www.crpf.gov.in/ లో అందుబాటులో ఉన్నాయ‌ని.. అభ్య‌ర్థులు డౌన్‌లోడ్ చేసుకోవ‌చ్చ‌ని వెల్ల‌డించింది.
ప‌రీక్ష‌ల‌కు హాజ‌ర‌య్యేవారు త‌ప్ప‌నిస‌రిగా ఆరోగ్య సేతు యాప్ క‌లిగి ఉండాల‌ని సీఆర్పీఎఫ్ పేర్కొంది. ఈ మెడికల్ పరీక్షలు కోవిడ్‌-19 నిబంధనలకు అనుగుణంగా జరుగుతాయని తెలిపింది. ఏవైనా సందేహాలుంటే 011- 26160255, 26160256, 26160259, 26160260 ఫోన్‌నంబ‌ర్ల‌లో సంప్ర‌దించ‌వ‌చ్చ‌ని స్పష్టం చేసింది.