పాలకూరతో ఆరోగ్యం
మనం తీసుకునే ఆహారంలో ప్రతిరోజూ ఆకుకూరలను తప్పనిసరిగా తీసుకోవాలి. ముఖ్యంగా పాలకూరను ఏ విధంగా నైనా సరే రోజువారీ తినే ఆహార పదార్థాలలో భాగం చేసుకుంటే ఆరోగ్యానికి చాలా మంచి చేస్తుందని పోషకాహార నిపుణులు సూచిస్తున్నారు. రోగనిరోధకశక్తి పెంచుకోవడానికి, మీశరీరం కరోనా వైరస్ తో పోరాడే శక్తి ని పొందడానికి పాలకూర ప్రతిరోజూ తప్పనిసరిగా తీసుకోoడి.
- పోషకాహార నిధి అయిన పాలకూరలో లభించే ఫ్లేవనాయిడ్స్ వయసుతోపాటు వచ్చే మతిమరపును దూరం చేస్తుంది.
- పాలకూరలో పదమూడు రకాల యాంటీ ఆక్సిడెంట్లు ఉన్నాయి. ఇవి యాంటీ క్యాన్సర్ ఏజెంట్లుగా పనిచేస్తాయి.
- పాలకూరలో లభించే విటమిన్ C, Aలు మరియు మెగ్నీషియం, ఫోలిక్ యాసిడ్లు క్యాన్సర్ను నివారించటంలో తోడ్పడతాయి.
- పాలకూరలో విటమిన్-A మీ కంటి చూపు ఆరోగ్యాన్ని ప్రోత్సహిస్తుంది, అలానే మీ కళ్ళ మంటలను కూడా నిరోధిస్తుంది.
- శరీరానికి అవసరమైన ఇనుము పుష్కళంగా ఉండే పాలకూర రక్తహీనతను తగ్గిస్తుంది. రోగ నిరోధక శక్తిని కూడా పెంచుతుంది.
- జ్వరం, పిత్త, వాయు శ్వాస సంబంధిత రోగాలను కూడా పాలకూర దూరం చేస్తుంది.
- పాలకూరకు రక్తాన్ని శుద్ధి చేసే తత్వం కూడా అధికంగా ఉంది.
- ఈ పాలకూరలో విటమిన్ K పుష్కలంగా లభించడం వల్ల మీ ఎముకలను బలంగా, ఆరోగ్యంగా ఉంచబడుతుంది.
ఈ పాలకూర ఆకులలో ఫోలేట్, విటమిన్ సి, విటమిన్ ఎ, కాల్షియం, ఐరన్ మొదలైన వాటితో పూర్తిగా నిండి ఉండుట వలన మధుమేహం, క్యాన్సర్, గుండెపోటు, స్ట్రోక్ వంటి తీవ్రమైన ఆరోగ్య పరిస్థితుల నుంచి మిమ్మల్ని రక్షించటానికి ఇది సహాయపడుతుంది.