‘ఆదిపురుష్’ అప్డేట్.. మూవీ రిలీజ్ డేట్‌
రెబల్‌స్టార్ ప్రభాస్ అభిమానులకు ‘ఆదిపురుష్’ చిత్ర యూనిట్ అదిరిపోయే సర్‌ప్రైజ్‌ను ఇచ్చింది. ఈ సినిమాను 2022 ఆగష్టు 11న రిలీజ్ చేయనున్నట్లు ప్రకటించింది. ఈ మేరకు సామాజిక మాధ్యమాల్లో ఓ పోస్టును విడుదల చేసింది. ఈ మూవీకి ఓం రౌత్ దర్శకుడు కాగా.. సుమారు రూ. 400 కోట్ల భారీ బడ్జెట్‌తో రూపొందుతున్న ఈ పౌరాణిక చిత్రానికి హాలీవుడ్ విఎఫ్‌ఎక్స్ సూపర్‌వైజర్స్ పని చేయనున్నారట.
రామాయణం నేపథ్యంలో తెరకెక్కుతున్న ఈ మూవీలో ప్రభాస్ రాముడిగా, సైఫ్ అలీ ఖాన్ రావణాసురుడిగా కనిపించనున్నారు. మిగిలిన పాత్రల కోసం ప్రస్తుతం సంప్రదింపులు జరుపుతున్నట్లు తెలుస్తోంది. అయితే ఈ సినిమాలో ప్రభాస్ సరసన సీతగా ఎవరు నటించనున్నారనే విషయంలో ఇంకా పూర్తి స్పష్టత రాలేదు. కాగా టీ సిరీస్ పతాకంపై భూషణ్ కుమార్‌ ఆదిపురుష్‌ని నిర్మిస్తున్నారు. ఈ మూవీ కోసం ప్రభాస్ విలువిద్యను సైతం నేర్చుకుంటున్నారు. 3డీలో తెరకెక్కుతున్న ఈ మూవీకి ఆస్కార్ అవార్డు గ్రహీత ఏఆర్ రెహమాన్ సంగీతం అందించబోతున్నట్లు సమాచారం. తెలుగు, హిందీలో ఏకకాలంలో తెరకెక్కించనున్న ఈ మూవీని మిగిలిన భారతీయ భాషల్లో విడుదల చేయనున్నారు.
.
