ఉల్లి రసంతో బొజ్జ మాయం.. బరువు తగ్గడానికి చిన్ని చిట్కా

బొజ్జ బాగా పెరిగిందని బెంగపెట్టుకున్నారా? అయితే ఈ చిట్కాను తప్పకుండా పాటించండి.

ఉల్లి చేసే మేలు తల్లి కూడా చేయదని అనడంలో ఏ మాత్రం సందేహం లేదు. ఉల్లి సకల రోగాల నివారిణి. ఉల్లిని పచ్చిగా తిన్నా.. కూరలో వేసుకున్నా అందులోని పోషకాలు ఎప్పుడూ శరీరానికి మేలే చేస్తాయి.

ముఖ్యంగా శరీరంలో కొవ్వు నిల్వలు పెరగకుండా సహాయపడుతుంది. ఉల్లిలో ఉండే ‘క్వెర్‌సెటిన్‌ అనే యాంటీ ఆక్సిడెంట్‌ ఫ్లేవనాయిడ్‌ శరీరంలో మెటబాలిజంను పెంపొందించి కొవ్వు పేరుకుపోవడాన్ని తగ్గిస్తుంది.

ఉల్లిపాయలో కేలరీలు, సోడియం, కొలెస్ట్రాల్‌ తక్కువ కాబట్టి.. బరువు పెరుగుతామనే బెంగ కూడా అవసరం లేదు. ఉల్లితో బరువు తగ్గాలంటే ఈ కింది చిట్కాను తప్పని సరిగా పాటించండి.

ఉల్లిపాయను రసంగా చేసుకుని తేనెతో కలపి పరగడుపునే తాగండి. రోజు విడిచి రోజు ఇలా తీసుకుంటే బరువు తగ్గే అవకాశం ఉంటుంది. ఈ రసం పొట్ట భాగంతోపాటు ఒంట్లో పేరుకుపోయిన కొవ్వును తొలగిస్తుంది.

కావలసిన పదార్ధాలు: 1-2టి స్పూన్ల తేనె, తయారీ కోసం పెద్ద పరిమాణంలో ఉన్న ఒక ఉల్లిపాయ, తగిన మోతాదులో నీరు తీసుకోండి.

తయారీ విధానం: ముందుగా ఉల్లిపాయ పొట్టు తీసి ముక్కులు చేయండి. అనంతరం ఆ ముక్కలను మిక్సిలో వేసి రుబ్బండి. దానికి తగిన మోతాదులో నీరు, తేనె కలపండి. అంతే.. రసం సిద్ధమైపో తుంది. ఉల్లి గుజ్జుతో తాగడం ఇబ్బంది అనిపిస్తే.. ఒక శుభ్రమైన క్లాత్‌లోకి కలపడానికి ముందే ఉల్లి రసాన్ని వడపోయండి. ఆ తర్వాత తేనె కలిపి తీసుకోండి.