‘పలాస’ సినిమాకు బన్నీ ప్రశంస

తాజాగా అల్లు అర్జున్ యాథార్థ సంఘటనల ఆధారంగా  తెరకెక్కించిన ‘పలాస 1978’ చూసి ఆ సినిమా దర్శకుడు కరుణ కుమార్ ని ఇంటికి పిలిపించి మరీ అభినందించారు. యాథార్థ సంఘటనల ఆధారంగా గొప్ప అంతర్లీన సందేశంతో దర్శకుడు అద్భుతమైన ప్రయత్నం చేశారని, వ్యక్తిగతంగా చిత్రం నాకు చాలా నచ్చిందన్నారు బన్నీ. ‘పలాస 1978’ చిత్ర బృందానికి తన శుభాకాంక్షలు తెలియజేశారు. ఈ సినిమాలో చాలా మంచి మూమెంట్స్ ఉన్నాయని ట్వీట్ చేశారు. ఈ సందర్భంగా దర్శకుడు కరుణ కుమార్ కు మొక్కను బహూకరించారు అల్లు అర్జున్.

మంచి సినిమాను ప్రోత్సహిస్తూ తన అభినందనలు అందజేసిన అల్లు అర్జున్ కు మనస్ఫూర్తిగా కృతజ్ఞతలు తెలిపారు కరుణ కమార్. తన జీవితంలో ఇదొక అద్భుత జ్ఞాపకంగా మిగిలిపోతుందంటూ కరుణ కుమార్ ట్వీట్ చేశారు.