రాయచోటి, గురువారం, మార్చి 14న పిఠాపురంలో నిర్వహించనున్న “ఛలో పిఠాపురం” మరియు జనసేన పార్టీ ఆవిర్భావ దినోత్సవ సభను విజయవంతంగా నిర్వహించేందుకు, పార్టీ కార్యకర్తలను ఉద్దేశించి మార్గదర్శకత్వం అందించేందుకు ఉమ్మడి కడప జిల్లా రాయచోటి నియోజకవర్గంలో ప్రత్యేక సమావేశం నిర్వహించారు. ఈ సమావేశానికి ముఖ్య అతిథిగా జనసేన పార్టీ ఉమ్మడి కడప జిల్లా కోఆర్డినేటర్ మరియు కడప అసెంబ్లీ ఇంచార్జ్ సుంకర శ్రీనివాస్ హాజరై, జనసేన పార్టీ ఆవిర్భావ దినోత్సవ వేడుకలకు “ఛలో పిఠాపురం” పోస్టర్ ఆవిష్కరణ చేసి అనంతరం జనసేన నాయకులు, కార్యకర్తలతో ముఖ్యమైన అంశాలపై చర్చించారు. ఈ సందర్భంగా సుంకర శ్రీనివాస్ మాట్లాడుతూ “ఛలో పిఠాపురం” కార్యక్రమం పార్టీ రాజకీయ ప్రస్థానంలో కీలకమైన ఘట్టమని, జనసేన పార్టీ ఆవిర్భావ దినోత్సవం సందర్భంగా పిఠాపురం కు రాయచోటి నియోజకవర్గం నుంచి జనసైనికులు కార్యకర్తలు వీర మహిళలు పెద్ద ఎత్తులో పాల్గొనాలని పిలుపునిచ్చారు. ఈ సమావేశంలో జనసేన పార్టీ ఆవిర్భావ సభకు రాజంపేట పార్లమెంట్ సమన్వయకర్త అతికారి కృష్ణ మరియు, రాయచోటి నియోజకవర్గం పిఓసి పటాన్ మరియు ఉమ్మడి కడప జిల్లా ప్రచార కమిటీ కోఆర్డినేటర్ పత్తి విశ్వనాథ్ మరియు కడప నగర అధ్యక్షులు బోరెడ్డి నాగేంద్ర మరియు జనసైనికులు మరియు రాయచోటి నియోజకవర్గ జనసేన నాయకులు, పెద్ద సంఖ్యలో పార్టీ కార్యకర్తలు పాల్గొన్నారు.