ప్రముఖ నటి జయంతి కన్నుమూత
ప్రముఖ సీనియర్ నటి జయంతి(76) కన్నుమూశారు. ఆదివారం రాత్రి బెంగళూరులోని తన నివాసంలో తుదిశ్వాస విడిచారు. ఐదు దశాబ్దాల పాటు భారతీయ చిత్ర పరిశ్రమలో ఎన్నో వైవిధ్యమైన పాత్రలు పోషించిన ఈమె.. కన్నడ, తెలుగు, తమిళ, మలయాళ, హిందీ, మరాఠీ భాషల్లో సుమారు 500కుపైగా చిత్రాల్లో నటించి ప్రేక్షకుల మన్ననలు అందుకున్నారు. కన్నడ సినీరంగంలో సూపర్స్టార్ రాజ్కుమార్తో సమానంగా అభిమానులను సంపాదించుకున్న నటిగా గుర్తింపు పొందారు.