నిరుద్యోగులకు గుడ్ న్యూస్.. NHAIలో ఉద్యోగాలు..

నిరుద్యోగులకు నేషనల్ హైవేస్ అథారిటీ ఆఫ్ ఇండియా – NHAI గుడ్ న్యూస్ చెప్పింది. సంస్థ తాజాగా మరో ఉద్యోగ ప్రకటన విడుదల చేసింది. డిప్యూటీ మేనేజర్(టెక్నికల్) విభాగంలో ఖాళీలను భర్తీ చేయనున్నట్లు సంస్థ తెలిపింది. అర్హత, ఆసక్తి కలిగిన అభ్యర్థులు సంస్థ అధికారిక వెబ్ సైట్ nhai.gov.in వెబ్ సైట్లో అప్లై చేసుకోవాలని నోటిఫికేషన్లో పేర్కొన్నారు.

అభ్యర్థులను ఎలాంటి ఇంటర్వ్యూ లేకుండానే కేవలం గేట్ స్కోర్ ఆధారంగానే ఎంపిక చేయనున్నట్లు నోటిఫికేషన్లో స్పష్టం చేశారు.

మొత్తం పోస్టులు: 41

అప్లికేషన్లకు ఆఖరి తేదీ:  మే 28  అర్హత, ఆసక్తి కలిగిన అభ్యర్థులు ఆ తేదీలోగా ఆన్లైన్లో అప్లై చేసుకోవాలని నోటిఫికేషన్లో సూచించారు.

అర్హత: గుర్తింపు పొందిన యూనివర్సిటీ లేదా సంస్థ నుంచి సివిల్ ఇంజనీరింగ్ లో డిగ్రీ చేసిన వారు ఈ ఉద్యోగాలకు అప్లై చేసుకునేందుకు అర్హులని నోటిఫికేషన్లో స్పష్టం చేశారు. ఫైనల్ సెమిస్టర్ పరీక్షలకు సిద్ధమవుతున్న వారు కూడా ఈ ఉద్యోగాలకు అప్లై చేసుకునే అవకాశాన్ని కల్పించారు.

వయోపరిమితి: 30 ఏళ్లు, అప్లికేషన్లకు ఆఖరి తేదీగా నిర్ణయించిన మే 28 నాటికి 30 ఏళ్ల వయస్సు దాటిన అభ్యర్థులు అప్లై చేసుకునేందుకు అనర్హులని నోటిఫికేషన్లో స్పష్టం చేశారు.

Official Web Site – Direct Link

Official Notification – Direct Link

అభ్యర్థుల ఎంపిక..

GATE 2021లో సివిల్ ఇంజనీరింగ్ విభాగంలో అభ్యర్థులు సాధించిన స్కోర్ ఆధారంగా అభ్యర్థుల ఎంపిక ఉంటుందని నోటిఫికేషన్లో తెలిపారు. అవసరమని భావిస్తే అభ్యర్థులకు ఇంటర్వ్యూలను కూడా నిర్ణయించే అధికారం NHAI కు ఉంటుంది. కట్ ఆఫ్ మార్కులను కూడా NHAI నిర్ణయిస్తుంది. అభ్యర్థులు ఇతర పూర్తి వివరాలను నోటిఫికేషన్లో చూడొచ్చు.