గ్రేటర్ ఫలితాలు సంతృప్తినిచ్చాయి: కిషన్ రెడ్డి
జీహెచ్ఎంసీ ఎన్నికల్లో బీజేపీ 48 సీట్లతో రెండో అతిపెద్ద పార్టీగా నిలవడంతో ఆ పార్టీ శ్రేణులు సంబరాల్లో మునిగాయి. ఈ సందర్భంగా కేంద్ర హోంశాఖ సహాయ మంత్రి జి. కిషన్ రెడ్డి మాట్లాడుతూ.. తెలంగాణ ప్రజలు మార్పు కోరుకుంటున్నారని అన్నారు. తెలంగాణలో బీజేపీ ప్రత్యామ్నాయ శక్తిగా ఎదుగుతోందని, గ్రేటర్లో తమ పార్టీ బలం పుంజుకుందన్నారు. ప్రజల నమ్మకాన్ని ఎంఐఎం, టీఆర్ఎస్ కోల్పోయాయని తెలిపారు. ముందస్తు ఎన్నికలతో తమకు సమయం సరిపోలేదని, లేకపోతే మేయర్ పీఠాన్ని దక్కించుకునేవాళ్లమన్నారు. గ్రేటర్ ఫలితాలపై తమకు సంతృప్తినిచ్చాయన్నారు.