రాష్ట్ర ఆహారం, పౌరసరఫరాల మరియు వినియోగదారుల శాఖ మంత్రి నాదెండ్ల మనోహర్ అధ్యక్షతన జరిగిన సమావేశంలో ఆర్థిక శాఖ మంత్రి పయ్యావుల కేశవ్, వ్యవసాయ శాఖ మంత్రి అచ్చెన్నాయుడు, ఆరోగ్యశాఖ మంత్రి సత్య కుమార్ యాదవ్ మరియు ఉన్నతాధికారులు పాల్గొన్నారు. సమావేశంలో ద్రవ్యోల్బణాన్ని నియంత్రించేందుకు ప్రత్యేక చర్యలు చేపట్టడం, రాష్ట్రంలో 2.44% ద్రవ్యోల్బణం రేటు నమోదు కాగా, జాతీయ సగటు 3.61% కంటే తక్కువగా ఉండడం, వరుసగా మూడు నెలలుగా జాతీయ సగటు కంటే తక్కువగా ఉండే ద్రవ్యోల్బణాన్ని నమోదు చేసిన ఆంధ్రప్రదేశ్‌ను దేశవ్యాప్తంగా నాలుగో స్థానంలో నిలిపిన అంశాలపై చర్చించారు.

ప్రధాన నిర్ణయాలు:
ధరల సేకరణ: రాష్ట్రవ్యాప్తంగా 154 మండల కేంద్రాలు మరియు 151 రైతు బజార్ల నుంచి ప్రతిరోజూ si.pi యాప్ ద్వారా ధరలను సేకరించి విశ్లేషణ చేయడం.
ధర నివేదిక కేంద్రాలు: 13 జిల్లాలకు ఉన్న ధర నివేదిక కేంద్రాలను 26 జిల్లాలకు విస్తరించేందుకు ఏప్రిల్ నుండి చర్యలు.
ధర నియంత్రణ: నిత్యావసర వస్తువుల ధరలను సమీక్షించి, నియంత్రణకు చర్యలు.
రవాణా చార్జీలు: రవాణా సమస్యలను గుర్తించి, పరిష్కరించేందుకు రవాణా శాఖకు సూచనలు.
ధర స్థిరీకరణ: బియ్యం, కందిపప్పు, వంట నూనె, టమోటా, ఉల్లిపాయల ధరల స్థిరీకరణ చర్యలు.
మార్కెట్ రుసుము: ధాన్యంపై మార్కెట్ రుసుము 2% నుంచి 1%కు తగ్గించేందుకు క్యాబినెట్ నివేదిక.
తృణధాన్యాల ఉత్పత్తి: తృణధాన్యాల ఉత్పత్తి పెంపు కోసం రైతులకు అవగాహన చర్యలు.
ఈ నిర్ణయాలు ద్రవ్యోల్బణాన్ని నియంత్రించడంతో పాటు నిత్యావసరాల ధరల స్థిరీకరణకు దోహదపడతాయని నాదెండ్ల మనోహర్ తెలిపారు.