జగన్ పదవి పోయాక రైతుల పట్ల ప్రేమ చూపించడం సిగ్గుచేటు అని విమర్శించిన జనసేన పార్టీ రాష్ట్ర అధికార ప్రతినిధి, మైలవరం నియోజకవర్గ ఇంచార్జి అక్కల రామ్మోహన్ రావు (గాంధీ), జనసేన పక్షంలో రైతుల కోసం చేపడుతున్న అభివృద్ధి కార్యక్రమాలను గుర్తుచేశారు. జనసేన అధినేత పవన్ కళ్యాణ్, ప్రతిపక్షంలో ఉన్నప్పుడు ఆత్మహత్యలు చేసుకున్న 3000 మందికిపైగా రైతు కుటుంబాలకు సాయాన్ని అందించి, వారి కష్టాల్లో భాగమయ్యారు. చరిత్రలోనే తొలిసారి, నాదెండ్ల మనోహర్ 24 గంటలలో ధాన్యం కొనుగోలుకు అవసరమైన నిధులు ఏర్పాటు చేయడం ద్వారా రైతులకు మద్దతు చాటారు. వైసీపీ ప్రభుత్వం ఐదేళ్ల పాలనలో, రాష్ట్ర రైతాంగానికి అప్పులు, నష్టాలే మిగలడం దురదృష్టకరమని జనసేన నేతలు పేర్కొన్నారు. జనసేన పార్టీ, అధికారంలో లేకపోయినా రైతుల అభ్యున్నతికి కృషి చేస్తూ, సంక్షేమ పథకాలను అమలు చేయడంలో ముందుంటుంది. కూటమి ప్రభుత్వ లక్ష్యం రాష్ట్ర రైతులకు అభివృద్ధి, సంక్షేమం అందించడమే. ప్రజలను తప్పుదోవ పట్టించకుండా, వాస్తవాలను అర్థం చేసుకుని నిర్ణయాలు తీసుకోవాలని ప్రజలకు హితవు పలికారు.