సర్వేపల్లి నియోజకవర్గంలో జనసేన పార్టీ సమన్వయకర్త బొబ్బేపల్లి సురేష్ నాయుడు, పొదలకూరు మండలం తోకంచి గిరిజన కాలనీలో పర్యటించి, స్థానిక గిరిజనులు ఎదుర్కొంటున్న సమస్యలను పరిశీలించారు. ప్రధాన సమస్యలు: ఇళ్ల స్థలాల కొరత, రేషన్ కార్డులు, ఆధార్ కార్డులు లేని ప్రజలు వీధిలైట్లు లేకపోవడం, కొండ ప్రాంతాల్లో నివసిస్తున్న గిరిజనుల జీవన పరిస్థితులు, కొన్ని ఇళ్లలో ముగ్గురు-నలుగురు కలిసి నివసించడం వల్ల తలెత్తుతున్న ఇబ్బందులు, ఈ సమస్యలను స్థానిక శాసనసభ్యులు సోమిరెడ్డి చంద్రమోహన్ రెడ్డి దృష్టికి తీసుకువెళ్లి, పరిష్కారానికి కృషి చేయనున్నట్లు సురేష్ నాయుడు హామీ ఇచ్చారు. గిరిజనులకు ప్రభుత్వం నుండి పూర్తి సహాయాన్ని అందించేందుకు తగిన చర్యలు చేపడతామని ఆయన వెల్లడించారు. ఈ కార్యక్రమంలో జనసేన మరియు కూటమి నాయకులు నారదాసు, మధు, రవి, ప్రసాద్, కత్తి పెంచలయ్య, రేగుంట నాగభూషణం తదితరులు పాల్గొన్నారు. తెలుగుదేశం పార్టీ నాయకులు కె. శ్రీనివాస్ చౌదరి, పంతగిరి సురేష్, బుదురు పెంచలయ్య కూడా ఈ పర్యటనలో పాల్గొని తమ మద్దతు తెలిపారు.