రాజంపేట నియోజకవర్గంలోని జనసేన కార్యకర్తలు మరియు నాయకుల ఆధ్వర్యంలో ఆదివారం ఒక ఆత్మీయ సమావేశం జరిగింది. ఈ సమావేశంలో జనసైనికులు తమ హక్కుల కోసం గొంతెత్తారు పొత్తు రాజకీయాలలో తమ వాటా ఏమిటి నామినేటెడ్ పదవుల్లో తమకు అన్యాయం జరుగుతోందని వారు ఆవేదన వ్యక్తం చేశారు.

• జనసైనికుల అసంతృప్తి నామినేటెడ్ పదవుల్లో అన్యాయం

ప్రస్తుత రాజకీయ పరిణామాల నేపథ్యంలో జనసేన పార్టీ పొత్తులోకి వెళ్లినప్పటికీ జనసైనికులకు నామినేటెడ్ పదవుల్లో తగిన ప్రాధాన్యత ఇవ్వడం లేదని రాజంపేట జనసైనికులు పేర్కొన్నారు. గ్రామస్థాయిలోను పట్టణస్థాయిలోను సొసైటీలు రేషన్ షాపులు బ్యాంకు లోన్స్ వంటి కీలక అంశాలలో జనసేన కార్యకర్తలను పూర్తిగా నిర్లక్ష్యం చేయడం అసహనం కలిగిస్తోంది.

• పార్టీ నాయకత్వంపై కార్యకర్తల ఆక్రోశం

ఇంత కాలం పార్టీ కోసం శ్రమించిన కార్యకర్తలను పట్టించుకోవడం లేదు జనసేనకు అండగా నిలబడి పార్టీ బలోపేతానికి పాటుపడిన వారిని పక్కన పెట్టి ఇతర పార్టీల నుండి వచ్చిన వారిని నామినేటెడ్ పదవుల్లో స్థానం కల్పించడం చాలా దారుణమని కార్యకర్తలు ఆవేదన వ్యక్తం చేశారు

• కార్యకర్తలకు ప్రాధాన్యత లేదంటే పార్టీకి భవిష్యత్ ఏమిటి

జనసేన కార్యకర్తలు తమ హక్కుల కోసం నిలబడి పోరాడతారని స్పష్టం చేశారు నామినేటెడ్ పదవుల్లో తమకు తగిన ప్రాధాన్యత లేకపోతే భవిష్యత్తులో తమకు రాజకీయంగా తీవ్రంగా నష్టమని వారు పేర్కొన్నారు ఇప్పటికిప్పుడు పార్టీ నాయకత్వం స్పందించి కార్యకర్తల కోసం ప్రత్యేక చర్యలు చేపట్టాలని వారు డిమాండ్ చేశారు.

• రాజకీయంగా నష్టపోతున్న కార్యకర్తలు

జనసేన కార్యకర్తలు గ్రామ మండల స్థాయిలో పార్టీకి విశేషమైన సేవలు అందించినప్పటికీ వారిని పూర్తిగా పక్కన పెట్టారు సామాజిక ప్రయోజనాలు ఆర్థిక సహాయాలు అందించాల్సిన చోట కూడా వారికి సరైన ప్రాధాన్యత ఇవ్వడం లేదు ముఖ్యంగా

సహకార సంఘాల్లో సభ్యత్వాలు రావడం లేదు.
రేషన్ డీలర్లుగా జనసేన కార్యకర్తలను ఎంపిక చేయడం లేదు.
బ్యాంకు రుణాలు మంజూరు చేయడంలో వారి పేర్లను పక్కన పెడుతున్నారు.
ప్రభుత్వ పథకాలు గ్రాంట్లు ఇతర పార్టీల వారికి మాత్రమే అందుతున్నాయి.
ఈ పరిస్థితుల్లో పార్టీ నాయకులు స్పందించి చర్యలు తీసుకోవాలని వారు డిమాండ్ చేశారు.

• జనసేన అధిష్టానం దృష్టికి తీసుకెళ్లాలని తీర్మానం

సమావేశంలో కార్యకర్తలు కొన్ని కీలక తీర్మానాలు చేశారు ముఖ్యంగా పార్టీ అధ్యక్షుడు పవన్ కళ్యాణ్ దృష్టికి ఈ విషయాన్ని తీసుకెళ్లాలని ఆయన ప్రత్యక్షంగా జోక్యం చేసుకుని జనసేన కార్యకర్తలకు న్యాయం జరిగేలా చూడాలని తీర్మానించారు

• తక్షణ చర్యలు తీసుకోకపోతే ఉద్యమమే మార్గం

నాయకత్వం స్పందించకపోతే పార్టీ కార్యకర్తలు సమ్మెకు సిద్ధం కావాలని తమ హక్కుల కోసం నిరసన కార్యక్రమాలు చేపడతామని హెచ్చరించారు ఈ సందర్భంలో జిల్లాలోని అన్ని జనసేన యూనిట్లను చైతన్యపరచాలని నిర్ణయం తీసుకున్నారు

సమావేశంలో పాల్గొన్న నాయకులు, రాజంపేట జనసేన నియోజకవర్గ అధ్యక్షుడు, మండల పట్టణ ప్రధాన కార్యదర్శులు, మండల స్థాయి కార్యకర్తలు, జిల్లా స్థాయి నాయకులు, ఈ సమావేశం ద్వారా కార్యకర్తల ఆక్రోశం బయటపడింది పార్టీని బలోపేతం చేయడమే లక్ష్యంగా పని చేసిన కార్యకర్తలను పూర్తిగా పట్టించుకోకపోతే భవిష్యత్తులో తీవ్ర పరిణామాలు ఎదుర్కోవాల్సి వస్తుందని స్పష్టం చేశారు.