విజయవాడలోని స్టేట్ గెస్ట్ హౌస్‌లో మంగళవారం మాజీ ముఖ్యమంత్రి మరియు బీజేపీ సీనియర్ నాయకులు నల్లారి కిరణ్ కుమార్ రెడ్డిని జనసేన పార్టీ ఉమ్మడి కడప జిల్లా కోఆర్డినేటర్ మరియు కడప అసెంబ్లీ నియోజకవర్గ ఇంచార్జ్ సుంకర శ్రీనివాస్ మర్యాదపూర్వకంగా కలిశారు. ఈ సందర్భంగా సుంకర శ్రీనివాస్, కిరణ్ కుమార్ రెడ్డికి శాలువా కప్పి ఘనంగా సత్కరించారు. పాలనా అనుభవంలో అనతుల్యమైన విశేషం ఉన్న నాయకుడిగా కిరణ్ కుమార్ రెడ్డి సేవలను ప్రశంసిస్తూ, ఆయన సుదీర్ఘ రాజకీయ జీవితం నుండి కొత్త తరానికి చాలా నేర్చుకోవాల్సిన విషయాలు ఉన్నాయని అభిప్రాయపడ్డారు. ఈ భేటీలో రాష్ట్ర రాజకీయ పరిణామాలు, అభివృద్ధి ప్రణాళికలు, జిల్లాలో నెలకొన్న ప్రజా సమస్యలు, కేంద్ర-రాష్ట్ర ప్రభుత్వాల విధానాల ప్రభావం, మరియు రాజకీయ ప్రస్థానం వంటి పలు కీలక అంశాలపై సుదీర్ఘంగా చర్చించుకున్నారు.