‘పెళ్లిసందD’ నుంచి టైటిల్ సాంగ్ రిలీజ్!

శ్రీకాంత్ తనయుడు రోషన్ హీరోగా ‘పెళ్లి సందD’ సినిమా రూపొందింది. ఆర్కే ఫిల్మ్ అసోసియేట్స్ .. ఆర్కా మీడియా వర్క్స్ బ్యానర్ పై ఈ సినిమా నిర్మితమైంది. గౌరీ రోణంకి ఈ సినిమాకి దర్శకుడిగా వ్యవహరించాడు. ఈ సినిమాతో కథానాయికగా శ్రీలీల తెలుగు తెరకి పరిచయమవుతోంది. తాజాగా ఈ సినిమా నుంచి టైటిల్ సాంగ్ లిరికల్ వీడియోను విడుదల చేశారు.

శ్రీకాంత్ ‘పెళ్లి సందడి’కి పాటలు రాసిన చంద్రబోస్, శ్రీకాంత్ కొడుకు ‘పెళ్లి సందD’ కూడా ఈ పాట రాయడం విశేషం. కీరవాణి సంగీతాన్ని అందించగా, హేమచంద్ర .. దీపు .. రమ్యబెహ్రా ఆలపించారు. శేఖర్ మాస్టర్ కొరియోగ్రఫీ బాగుంది. గౌరి రోణంకి దర్శకత్వం వహించగా, దర్శకత్వ పర్యవేక్షణ రాఘవేంద్రరావు చేశారు. ఈ సినిమాలో ఆయన ఒక ప్రత్యేకమైన పాత్రను కూడా పోషించారు.