అల్లు స్టూడియో ఎక్కడంటే..!

టాలీవుడ్ లో అల్లు అరవింద్ పెద్ద నిర్మాత అనే విషయం అందరికీ తెలిసిందే. అనేక హిట్ సినిమాలు తీసిన అల్లు అరవింద్ నిర్మాతగా చాలా సీనియర్ అనే చెప్పాలి. అయితే ఇప్పటికే సినిమా పరిశ్రమలో ఉన్న చాలా మంది సీనియర్ హీరోల కుటుంబాలకు ఫిల్మ్ స్టూడియోలు ఉన్నాయి. తాజాగా అల్లు వారి కుటుంబం కూడా అల్లు స్టూడియో నిర్మాణానికి సిద్దం అయింది. ప్రముఖ హాస్య నటులు అల్లు రామలింగయ్య 99వ జయంతి సందర్భంగా ఈ విషయాన్ని అల్లు ఫ్యామిలీ మెంబర్స్ అల్లు అరవింద్, అల్లు వెంకట్, అల్లు అర్జున్, అల్లు శిరీష్ తమ కొత్త స్టూడియోని అనౌన్స్ చేపింది. చిరంజీవి వైజాగ్లో స్టూడియో నిర్మాణానికి రెడీ అవుతుండగా ఇక్కడ హైదరాబాద్ లో అల్లు ఫ్యామిలీ స్టూడియోకి సిద్దం అవుతోంది.

హైదరాబాద్ లోని గండిపేట ప్రాంతంలో ఒక 10 ఎకరాలలో ముందుగా మొదలు పెట్టనున్నారు. అత్యాధునిక సౌకర్యాలతో సినీ, టెలివిజన్ చిత్రీకరణకు అనువుగా ఉండేలా ఈ స్టూడియో నిర్మాణం ఉండనుంది.. త్వరలోనే పనులు ప్రారంభం కాబోతున్నాయని అల్లు అర్జున్ సోషల్ మీడియా ద్వారా వెల్లడించాడు.