బాలీవుడ్ నటి శిల్పాశెట్టి భర్త రాజ్ కుంద్రా అరెస్ట్.. కారణం?

అశ్లీల చిత్రాలను నిర్మించి యాప్‌ల ద్వారా విడుదల చేస్తున్నట్టు ఆరోపణలు ఎదుర్కొంటున్న బాలీవుడ్ నటి శిల్పాశెట్టి భర్త, వ్యాపారవేత్త రాజ్‌కుంద్రాను నిన్న పోలీసులు అరెస్ట్ చేశారు. ఈ ఆరోపణలపై ముంబై క్రైం బ్రాంచ్ పోలీసులు ఫిబ్రవరిలోనే కేసు నమోదు చేశారు. ఈ కేసులో రాజ్‌కుంద్రానే ప్రధాన కుట్రదారుడిగా ఉన్నట్టు పోలీసులు చెబుతున్నారు. ఇందుకు సంబంధించి పూర్తి ఆధారాలు తమ వద్ద ఉన్నాయన్నారు. అయితే, తనపై వచ్చిన ఆరోపణల్లో ఏమాత్రం నిజం లేదని రాజ్‌కుంద్రా పేర్కొన్నారు. శిల్పాశెట్టి- రాజ్‌కుంద్రాలు 2009లో వివాహం చేసుకున్నారు.