ఫ్లెక్సీలు చించినంత మాత్రాన మా అడుగు వెనక్కి పడదు: వాసగిరి మణికంఠ

గుంతకల్ పట్టణం, స్థానిక కసాపురం రోడ్డు, రామలింగ కాంప్లెక్స్ దగ్గర జనసేన పార్టీ నాయకులు ఏర్పాటుచేసిన మేము సిద్ధం ఫ్లెక్సీని శుక్రవారం రాత్రి గుర్తు తెలియని దుండగులు కావాలని పనికట్టుకొని చించి వేశారని, ఒకప్పుడు మా జనసేన పార్టీ లెక్కలోనే లేదన్నారు. ఇప్పుడు ఫ్లెక్సీలకే భయపడుతున్నారని తీవ్రంగా వాసగిరి మణికంఠ ధ్వజమెత్తారు. ప్రశాంతంగా ఆరోగ్యకరమైనటువంటి పోటీ ఉండే గుంతకల్ నియోజకవర్గంలో ఇలా ఫ్లెక్సీలు చించి దుశ్చర్యకు పాల్పడడాన్ని జనసేన పార్టీ తీవ్రంగా ఖండిస్తోంది. తక్షణం పోలీసు అధికారులు ఈ విషయం గురించి దర్యాప్తు చేపట్టాలని జనసేన పార్టీ డిమాండ్ చేస్తుంది అని ఆయన పేర్కొన్నారు.