వరద బాధితులకు సంపూర్ణేశ్ బాబు తన వంతు విరాళం
భాగ్యనగరంలో వరద బాధితులను ఆదుకునేందుకు ముఖ్యమంత్రి సహాయనిధికి సినీ, రాజకీయ, వ్యాపార ప్రముఖుల నుంచి విరాళాలు వెల్లువెత్తుతున్నాయి. మంగళవారం అగ్రహీరోలంతా తమ వంతు బాధ్యతగా సహాయాన్ని ప్రకటించగా ప్రముఖ నటుడు సంపూర్ణేశ్ బాబు తన వంతు సహాయంగా రూ. 50 వేలను సీఎం సహాయనిధికి అందజేశారు.
హైదరాబాద్లోని మంత్రి హరీశ్రావు నివాసంలో స్వయంగా రూ. 50 వేల చెక్ అందజేశారు సంపూ. సంపూర్ణేశ్ బాబు చేసిన సహాయం పట్ల మంత్రి హరీశ్రావు హర్షం వ్యక్తం చేశారు. దర్శకుడు ఎన్. శంకర్ కూడా ముఖ్యమంత్రి సహాయనిధికి రూ. పది లక్షలు విరాళంగా ప్రకటించారు.