గ్రీన్ ఛాలెంజ్‌లో పాల్గొన్నశేఖర్ కమ్ముల
దర్శకుడు శేఖర్ కమ్ముల గ్రీన్ ఇండియా ఛాలెంజ్ లో పాల్గొన్నారు. లవ్ స్టోరీ సినిమా షూటింగ్ లో భాగంగా మొయినాబాద్ మండలం, కనకమామిడి గ్రామంలో రహదారికి ఇరువైపులా మొక్కలు నాటారు. అనంతరం ఆయన మాట్లాడుతూ ఈ గ్రీన్ ఇండియా ఛాలెంజ్ కార్యక్రమం ద్వారా ఎంపీ సంతోష్ కుమార్ పర్యావరణ పరిరక్షణకు ఎంతో కృషి చేస్తున్నారు. మొక్కలు నాటి వాటిని కాపాడే బాధ్యత తీసుకునేలా అవగాహనా కల్పిస్తున్నారు. ఈరోజు పర్యావరణ ప్రేమికులు మొక్కలు నరకడం తట్టుకోలేక ఎంపీ సంతోష్ కుమార్ ట్విట్టర్ ద్వారా తెలియజేశారంటే అయన పర్యావరణ ప్రేమికుడిగా ఎంతగా గుర్తింపు పొందారో అర్ధం అవుతుందదన్నారు. సీఎం కేసీఆర్ కు బాసటగా గ్రీన్ ఇండియా ఛాలెంజ్ చేపట్టిన ఎంపీ సంతోష్ కుమార్ ను శేఖర్ కమ్ముల ప్రత్యేకంగా అభినందించారు.
