పవర్‌స్టార్ కోసం స్టార్ రైటర్ కథ.. డైరెక్టర్ ఎవరంటే..?
పవర్‌స్టార్ పవన్‌కల్యాణ్ రీ ఎంట్రీ తర్వాత వరుస సినిమాలు చేయడానికి గ్రీన్ సిగ్నల్ ఇస్తూ వస్తున్నాడు. ఇప్పటికే వకీల్‌సాబ్‌ను పూర్తి చేసిన పవన్.. క్రిష్ దర్శకత్వంలో రూపొందుతోన్న హరిహర వీరమల్లు (వినిపిస్తున్న టైటిల్‌) సినిమాతో పాటు , మలయాళ సినిమా అయ్యప్పనుమ్ కోశియమ్ రీమేక్‌లోనూ నటిస్తున్నాడు. ఈ రెండు సినిమాల తర్వాత సురేందర్ రెడ్డి, హరీష్ శంకర్ సినిమాలను ట్రాక్ ఎక్కించే పనిలో బిజీగా ఉన్నాడు. లేటెస్ట్ సమాచారం మేరకు పాన్ ఇండియా రైటర్‌గా పేరున్న విజయేంద్ర ప్రసాద్ పవన్‌కల్యాణ్‌ను దృష్టిలో పెట్టుకుని ఓ కథను తయారు చేస్తున్నాడట.
అయితే ఈ సినిమాను ఎవరు డైరెక్ట్ చేస్తారనే దానిపై క్లారిటీ లేదు. సాధారణంగా రాజమౌళి సినిమాలకు కథలను అందించడంతో పాటు.. ఇతర దర్శకులకు కూడా కథలు అందిస్తుంటాడు. బజరంగీ భాయ్‌జాన్‌, తలైవి వంటి పలు చిత్రాలకు విజయేంద్ర ప్రసాద్ కథను అందించాడు. పవన్ ..సురేందర్ రెడ్డి, హరీశ్ శంకర్ సినిమాలకు కాకుండా నెక్ట్స్ చేయబోయే సినిమాలకు కథను అందించేలా విజయేంద్ర ప్రసాద్ ప్లాన్ చేసుకున్నాడు.