‘నెట్రికాన్’ టీజర్

నేడు నయనతార 36వ పుట్టిన రోజు జరుపుకుంటోంది. ఈ సందర్భంగా నయనతార ప్రధాన పాత్రలో నటిస్తున్న లేటెస్ట్ తమిళ్ మూవీ ”నెట్రికాన్”  చిత్ర యూనిట్ ఆమెకు బర్త్ డే విషెస్ తెలియజేస్తూ ‘నెట్రికాన్’ టీజర్ ని విడుదల చేశారు. ఇందులో నయనతార అంధురాలిగా మరో ఛాలెంజింగ్ రోల్ లో కనిపించబోతోందని టీజర్ చూస్తే అర్థం అవుతోంది. టీజర్ లో అంధురాలైన నయనతార ఓ సైకో కిల్లర్ కోసం వేట సాగిస్తున్నట్లు చూపించారు. ఎలాంటి క్యారెక్టర్ అయినా అవలీలగా పోషించే నయనతార మర్డర్ మిస్టరీ కథాంశంతో తెరకెక్కనున్న ఈ చిత్రంతో మరోసారి ప్రేక్షకులను మెప్పించనుందని అర్థం అవుతోంది. టీజర్ లో ఆమె స్రీన్ ప్రెజెన్స్ బాగుంది. అంధురాలిగా మారిన ఓ పోలీస్ అధికారిణి తనకు ఎదురుపడే సవాళ్లను ఎదుర్కొని ఎలా పరిష్కరిస్తుందనేది ఇందులో చూపించనున్నారు. టీజర్ తోనే అంచనాలను పెంచేసిన నయనతార ‘నెట్రికాన్’ ఎలాంటి విజయాన్ని అందుకుంటుందో చూడాలి.