నరసాపురం, చేనేత కార్మికుల అభివృద్ధికి ఎన్డీఏ ప్రభుత్వం గట్టిగా కృషి చేస్తోందని ప్రభుత్వ విప్‌, ఎమ్మెల్యే ముమ్మిడి బొమ్మిడి నాయక్ తెలిపారు. నరసాపురం పట్టణంలోని 18వ వార్డులో జాతీయ చేనేత దినోత్సవం సందర్భంగా జరిగిన జెండా ఆవిష్కరణ కార్యక్రమంలో ఆయన మాట్లాడుతూ, వీవర్స్ కమ్యూనిటీ భవనాలను ప్రత్యేక నిధులతో అభివృద్ధి చేస్తామన్నారు. పీచుపాలెం దండు దెబ్బ బరేల్ గ్రౌండ్ అభివృద్ధికి రూ.10 లక్షల నిధులు హామీగా ప్రకటించిన ఆయన, చేనేత మగ్గాలకు 200 యూనిట్లు, మరమగాలకు 500 యూనిట్ల ఉచిత విద్యుత్‌ను ఎన్డీఏ ప్రభుత్వం అందుబాటులోకి తెచ్చిందన్నారు. ఈ సందర్భంగా నియోజకవర్గ ఇంచార్జ్ పోత్తూరు రామరాజు మాట్లాడుతూ.. చేనేత సొసైటీలను మెరుగుపరచేందుకు గుర్తింపు కార్డులు త్వరలోనే అందుబాటులోకి వస్తాయని తెలిపారు. మాజీ ఎమ్మెల్యే కొత్తపల్లి జానకిరాం మాట్లాడుతూ.. నేతన్నల పట్ల రాష్ట్ర ప్రభుత్వం చిత్తశుద్ధితో పనిచేస్తోందని కొనియాడారు. చేనేత కార్మికులను ఎమ్మెల్యే చేతుల మీదుగా సత్కరించిన ఈ కార్యక్రమానికి వీవర్స్ యునైటెడ్ ఫ్రంట్ అధ్యక్షుడు కనకం వర ప్రసాద్, మత్స్యకారుల సంఘ చైర్మన్ కొల్లు పెద్దిరాజు, ఇతర ప్రజాప్రతినిధులు, సంఘాల నాయకులు, వీవర్స్ సంఘ సభ్యులు పెద్ద ఎత్తున హాజరయ్యారు.