శ్రీదేవి సోడా సెంటర్’ నుంచి ‘చుక్కలమేళం’ సాంగ్!

సుధీర్ బాబు హీరోగా కరుణ కుమార్ దర్శకత్వంలో ‘శ్రీదేవి సోడా సెంటర్’ సినిమా రూపొందింది. ‘పలాస 1978’ దర్శకుడి నుంచి వస్తున్న మరో సినిమా ఇది. విజయ్ చిల్లా – దేవిరెడ్డి శశి నిర్మించిన ఈ సినిమా, ఈ నెల 27వ తేదీన థియేటర్లకు రానుంది. ఈ నేపథ్యంలో ఈ సినిమా నుంచి మరో లిరికల్ వీడియో సాంగ్ ను రిలీజ్ చేశారు.

‘చుక్కల మేళం .. దిక్కుల తాళం .. ఒక్కటయే ఈ సంబరం .. ఆ సాంతం నీ సొంతం’ అంటూ ఈ పాట సాగుతోంది. ఖవాలి  వరుసల్లో మణిశర్మ ఈ బాణీ కట్టారు. ఈ తరహా పాటలు బాగా చేస్తారనే పేరు మణిశర్మకు ఉంది. కల్యాణ్ చక్రవర్తి సాహిత్యం .. అనురాగ్ కులకర్ణి ఆలాపనతో ఈ పాట సాగింది.

ఇది గ్రామీణ నేపథ్యంలో సాగే అందమైన ప్రేమకథ. సుధీర్ బాబు కొత్త లుక్ తో కనిపిస్తున్నాడు. ఆనంది మరింత అందంగా కనిపిస్తోంది. 84 బోట్లతో చిత్రీకరించిన క్లైమాక్స్ ఈ సినిమాకి హైలైట్ గా నిలుస్తుందని చెబుతున్నారు. ‘జాంబి రెడ్డి’ తరువాత ఆనంది చేస్తున్న ఈ సినిమా, ఆమెకి మరో హిట్ ఇస్తుందేమో చూడాలి.