బెల్‌ సంస్థలో 56 జాబ్స్.. రాత పరీక్ష లేదు..!
కేంద్ర రక్షణ మంత్రిత్వ శాఖకు చెందిన భారత్‌ ఎలక్ట్రానిక్స్‌ లిమిటెడ్‌ (బెల్‌) 56 ఇంజినీర్, ఆఫీసర్‌ పోస్టుల భర్తీకి ప్రకటన విడుదల చేసింది. ఈ మొత్తం పోస్టుల్లో కొత్వారాలో 33, చెన్నై కేంద్రంలో 23 ఖాళీలున్నాయి. సంబంధిత విభాగాల్లో ఇంజినీరింగ్‌ గ్రాడ్యుయేట్లు, మేనేజ్‌మెంట్‌ కోర్సులు చదివినవారు వీటికి దరఖాస్తు చేసుకోవచ్చు. అకడమిక్‌ మార్కులు, అనుభవం, ఇంటర్వ్యూల ద్వారా అభ్యర్థులను ఎంపిక చేస్తారు.
1. బెల్‌ చెన్నై- 23 ఖాళీలు
ట్రెయినీ ఇంజినీర్- 11 (ఎలక్ట్రానిక్స్‌ 9, మెకానికల్‌ 2)
ట్రెయినీ ఆఫీసర్‌- 2
ప్రాజెక్టు ఇంజినీర్- 9 (ఎలక్ట్రానిక్స్‌ 4, మెకానికల్‌ 3, కంప్యూటర్‌ సైన్స్‌ 1, సివిల్ 1)
ప్రాజెక్టు ఆఫీసర్‌- 1 ఖాళీలు
ఆన్‌లైన్‌ దరఖాస్తులకు చివరి తేదీ: అక్టోబరు 30, 2020
వెబ్‌సైట్‌: https://www.bel-india.in/
2. బెల్‌ కొత్వారా: 33
ఎ. ట్రెయినీ ఇంజనీర్‌- 19
ఎల్రక్టానిక్స్‌- 10
మెకానికల్‌- 5
కంప్యూటర్‌ సైన్స్‌- 2
సివిల్- 1
ఎలక్ట్రికల్‌- 1
అర్హత: సంబంధిత విభాగాల్లో బీఈ/బీటెక్‌ ఉత్తీర్ణత ఉండాలి. ఏడాది పని అనుభవం తప్పనిసరి. కొన్ని పోస్టులకు ఆరు నెలలు సరిపోతుంది.
వయసు: సెప్టెంబరు 1, 2020 నాటికి 25 ఏళ్లలోపు ఉండాలి.
బి. ప్రొజెక్ట్‌ ఇంజినీర్- 12
విభాగాలవారీ ఖాళీలు: ఎల్రక్టానిక్స్‌ 6, కంప్యూటర్‌ సైన్స్‌ 6
అర్హత: సంబంధిత లేదా అనుబంధ విభాగాల్లో బీఈ/బీటెక్‌ ఉత్తీర్ణతతో పాటు రెండేళ్ల పని అనుభవం తప్పనిసరి.
వయసు: సెప్టెంబరు 1, 2020 నాటికి 28 ఏళ్లలోపు ఉండాలి.
సి. ట్రెయినీ ఆఫీసర్‌ ఫైనాన్స్‌- 2
డి. ప్రాజెక్టు ఆఫీసర్‌ హెచ్‌ఆర్‌- 1
అర్హత: ఫైనాన్స్‌ పోస్టులకు ఎంబీఏ ఫైనాన్స్‌.హెచ్‌ఆర్‌ పోస్టులకు ఎంబీఏ (హెచ్‌ఆర్‌) లేదా ఎంహెచ్‌ఆర్‌ఎం లేదా ఎంఎస్‌డబ్ల్యు (హెచ్‌ఆర్‌) వీటిలో ట్రెయినీ ఆఫీసర్‌కు ఏడాది, ప్రాజెక్టు
ఆఫీసర్‌కు రెండేళ్ల పని అనుభవం ఉండాలి.
ఆన్‌లైన్‌ దరఖాస్తుల స్వీకరణకు చివరి తేదీ: అక్టోబరు 21, 2020.
ఎంపిక విధానం:
ఈ పోస్టులకు సంబంధించి ఎంపిక విధానంలో అకడమిక్‌ మార్కులకు 75 శాతం వెయిటేజీ ఉంటుంది. 10 మార్కులు అనుభవానికి, 15 ఇంటర్వ్యూకు కేటాయించారు. కనీస అనుభవం ఉన్నవారికి 2.5 మార్కులు ఇస్తారు. అప్రెంటిస్‌గా పని చేసినవారు అర్హులే. వచ్చిన దరఖాస్తులకు సంబంధిత వివరాల ప్రకారం మార్కులు వేసి, మెరిట్‌ ప్రకారం ఒక్కో పోస్టుకీ 5 మందిని చొప్పున ఇంటర్వ్యూకి ఎంపిక చేస్తారు. వీరికి నిర్ణీత తేదీల్లో ఆన్‌లైన్‌ ఇంటర్వ్యూలు నిర్వహించి తుది ఎంపిక చేపడతారు.