‘ఢీ’ సీక్వెల్‌ ‘డి & డి’ పోస్టర్
హీరో మంచు విష్ణు, డైరెక్టర్ శ్రీను వైట్ల దర్శకత్వంలో పదమూడేళ్ల క్రితం వచ్చిన మూవీ ‘ఢీ’ ఇదే కాంబినేషన్ సుధీర్ఘ విరామం తర్వాత మరోసారి వస్తోంది. ‘ఢీ’కి సీక్వెల్‌గా ‘డి & డి’ టైటిల్‌తో సినిమా చేయడానికి వారు రెడీ అవుతున్నారు. ‘డబుల్ డోస్’ అనేది ట్యాగ్లైన్. విష్ణు బర్త్‌డే సందర్భంగా సోమవారం ఈ చిత్రాన్ని అధికారికంగా ప్రకటించడంతో పాటు టైటిల్ పోస్టర్‌ను రిలీజ్ చేశారు. టైటిల్ డిజైన్ చాలా ఇంట్రెస్టింగ్‌గా అనిపిస్తోంది. సంకెళ్ల మధ్య రెండు ‘డి’ అక్షరాలను డిజైన్ చేశారు. ‘ఢీ’లో ఎంత కామెడీ, యాక్షన్ ఉన్నాయో అంతకు రెట్టింపు కామెడీ, యాక్షన్ ఈ సినిమాలో ఉంటాయనే సంకేతాన్నిస్తూ ‘డబుల్ డోస్’ అనే ట్యాగ్లైన్ పెట్టారు.
24 ఫ్రేమ్స్ ఫ్యాక్టరీ బ్యానర్‌పై మంచు విష్ణు స్వయంగా ఈ చిత్రాన్ని నిర్మిస్తున్నారు. అవరమ్ భక్త మంచు సమర్పకులుగా వ్యవహరిస్తున్నారు. ‘ఢీ’తో సహా శ్రీను వైట్ల డైరెక్ట్ చేసిన పలు సినిమాలకు పనిచేసిన రచయిత గోపీమోహన్, మరో పాపులర్ రైటర్ కిషోర్ గోపు స్క్రిప్ట్ రైటర్‌గా పనిచేస్తున్నారు. ప్రస్తుతం ఫామ్‌లో ఉన్న యంగ్ సెన్సేషన్ మహతి స్వరసాగర్ సంగీతం సమకూరుస్తుండగా, మోహనకృష్ణ సినిమాటోగ్రాఫర్‌గా పనిచేస్తున్నారు. విష్ణు జోడీగా ఎవరు నటించేదీ, ఇతర తారాగణం వివరాలను త్వరలో వెల్లడిస్తామని తెలిపారు.