KXIP vs SRH: సన్‌రైజర్స్‌పై పంజాబ్ విజయం
దుబాయ్ వేదికగా జరిగిన మ్యాచ్లో సన్రైజర్స్ హైదరాబాద్పై 12 పరుగులు తేడాతో గెలుపొందింది. లీగ్‌ మొదటి దశలో పెద్దగా సత్తా చాటలేకపోయిన పంజాబ్ జట్టు… లీగ్‌ రెండో అర్ధభాగంలో బాగా ఆడుతోంది. వరుసగా నాలుగో విజయాన్ని ఖాతాలో వేసుకుంది. 127 పరుగుల లక్ష్య ఛేదనకు దిగిన హైదరాబాద్‌ను 114కే కుప్పకూల్చింది. ఈ విజయంతో ప్లేఆఫ్ ఆశలను సజీవంగా ఉంచుకుంది పంజాబ్. రెండో ఇన్నింగ్స్ ప్రారంభించిన సన్రైజర్స్లో డేవిడ్‌ వార్నర్‌ (35; 20 బంతుల్లో 3×4, 2×6), విజయ్‌ శంకర్‌ (25; 25 బంతుల్లో 4×4) క్రీజులో నిలదొక్కుకోవడానికి ప్రయత్నించారు. మిగతా వాళ్లు విఫలమయ్యారు.
పంబాబ్ బౌలర్లలో క్రిస్ జోర్డాన్ (3), అర్ష్దీప్ సింగ్ (3), షమీ, అశ్విన్, రవి బిష్టోయ్ తలో వికెట్ తీశారు. అంతకు ముందు బ్యాటింగ్ చేసిన పంజాబ్‌లో నికోలస్‌ పూరన్‌ (32; 28 బంతుల్లో 2×4) టాప్ స్కోరర్. కేఎల్‌ రాహుల్‌ (27; 27 బంతుల్లో 2×4, 1×6), క్రిస్ గేల్‌ (20; 20 బంతుల్లో 2×4, 1×6) నామమాత్రంగా ఆడారు. సన్రైజర్స్ బౌలర్లలో సందీప్ శర్మ, రషీద్, హోల్డర్ తలో రెండు వికెట్లు తీశారు.