తెలుగు రాష్ట్రాల్లో స్థానిక సంస్థల ఎమ్మెల్సీ షెడ్యూల్ విడుదల
తెలుగు రాష్ట్రాల్లో స్థానిక సంస్థల కోటా ఎమ్మెల్సీ ఎన్నికలకు కేంద్ర ఎన్నికల సంఘం షెడ్యూల్ను విడుదల చేసింది. తెలంగాణలో 12, ఎపి లో 11 స్థానాలకు ఎన్నికలను నిర్వహించనున్నారు. ఈనెల 16 న నోటిఫికేషన్ విడుదల కానుంది. 23 వరకు నామినేషన్ల స్వీకరణ, 24 న నామినేషన్ల పరిశీలన, 26 న ఉపసంహరణకు అధికారులు గడువు ఇచ్చారు. డిసెంబర్ 10 న పోలింగ్ నిర్వహించి 14 న ఓట్ల లెక్కింపు చేపట్టనున్నారు.