ఇలాంటి ఫోటోలు చాలా ఉన్నాయి.. దాచానంతే.. మెగా బ్రదర్

మెగా బ్రదర్ నాగబాబు తాజాగా పవన్ కళ్యాణ్‌కు సంబంధించిన ఒక పాత ఫోటోని ఇన్‌స్టాగ్రామ్‌లో షేర్ చేసి ‘ఇలాంటి ఫోటోలు చాలా ఉన్నాయి, నా దగ్గర దాచానంతే !’ అంటూ క్యాప్షన్ ఇచ్చారు. ఆ ఫోటో లో బాలకృష్ణతో పవన్ కళ్యాణ్ కనిపించడం ఆడియెన్స్ ని ఆశ్చర్యపరిచింది.

ఆతర్వాత మరో ఫోటోను షేర్ చేశారు ఆ ఫోటోలో నందమూరి బాలకృష్ణ, పవర్ స్టార్ పవన్ కళ్యాణ్ ఒకరికొకరు షేక్ హ్యాండ్ ఇచ్చుకుంటున్నారు. పైగా దానికి క్యాప్షన్ గా.. బ్రదర్స్ టు గ్యదర్.. ఒకరు సొంత తమ్ముడు.. మరొకరు బ్రదర్ ఫ్రమ్ అదర్ మధర్ అని రాసుకొచ్చారు. అలాగే పవర్ స్టార్, నందమూరి సింహాన్ని కలిసిన రోజుది ఈ ఫోటో అని పేర్కొన్నాడు. ఇప్పుడు ఈ ఫోటో వైరల్ గా మారింది.

ఇక నాగ బాబు షేర్ చేసిన బాలకృష్ణ, పవన్ కి సంబంధించిన ఈ ఫోటోల విషయానికి వస్తే.. సుస్వాగతం సినిమా లాంచ్ అయిన రోజు మెగాస్టార్ బ్రదర్ గా పవన్ కళ్యాణ్ హీరోగా లాంచ్ అవుతున్నాడని వెంకటేష్ అలాగే బాలక్రిష్ణ స్పెషల్ గా విష్ చేయడానికి షూటింగ్ స్పాట్ కి వచ్చిన విధానం అప్పట్లో ఇరు వర్గాల అభిమానులను ఎంతగానో ఆకట్టుకుంది. ఇక చాలా కాలం తరువాత మళ్ళీ ఆ స్పెషల్ ఫోటోను నాగబాబు చూపించడంతో ఒక్కసారిగా ఆ ఫోటో సోషల్ మీడియాలో వైరల్ గా మారింది.

సినిమాల్లో కంటే సోషల్ మీడియాలోనే ఎక్కువగా ఉంటున్న మెగా బ్రదర్ నాగబాబు.. పవర్ స్టార్ పవన్ కళ్యాణ్ కు మద్దతుగా నిలుస్తూ పవన్ కళ్యాణ్ పై విమర్శలు చేసే వారిపై బహిరంగంగానే వారిపై విరుచుకుపడుతున్నారు. ఇక నందమూరి బాలకృష్ణ పైన కూడా నాగబాబు పలు విమర్శలు చేసారు.

గతంలో సినిమా పెద్దలు షూటింగ్స్ కు అనుమతులు అడిగే సమయంలో బాలకృష్ణను ఆహ్వానించకపోవడంతో ఆయన ఆగ్రహం వ్యక్తం చేసారు. ఆ విషయంలో కూడా నాగబాబు రియాక్ట్ అయ్యారు. మరెందుకు తాజాగా ఇన్‌స్టాగ్రామ్‌లో ఈ ఫోటోలు షేర్ చేసారో మరి.. సందేహం ఉన్న విషయమే.