ఎయిర్‌ఫోర్స్‌లో 1515 పోస్టుల భర్తీకి నోటిఫికేషన్
ఇండియన్ ఎయిర్‌ఫోర్స్ (IAF).. 1515 గ్రూప్‌-సీ సివిలియన్ పోస్టుల భర్తీకి నోటిఫికేషన్ విడుదల చేసింది. ఈ మొత్తం పోస్టుల్లో హైదరాబాద్‌లో కూడా ఖాళీలున్నాయి. ఈ నోటిఫికేషన్ ద్వారా స్టెనోగ్రాఫర్, హౌజ్ కీపింగ్ స్టాఫ్, మల్టీ టాస్కింగ్ స్టాఫ్, కార్పెంటర్, లోయర్ డివిజన్ క్లర్క్ లాంటి పోస్టుల్ని భర్తీ చేస్తోంది. దరఖాస్తు ప్రక్రియ ఇప్పటికే మొదలైంది. ఈ పోస్టులకు మే 2, 2021 దరఖాస్తులకు చివరి తేదీ. ఈ నోటిఫికేషన్‌కు సంబంధించిన పూర్తి వివరాలను ఇండియన్ ఎయిర్‌ఫోర్స్ అధికారిక వెబ్సైట్ https://indianairforce.nic.in/ లో చూడొచ్చు.
మొత్తం ఖాళీలు: 1,524
విద్యార్హతలు: పోస్టులను బట్టి వేర్వేరు విద్యార్హతలున్నాయి. పూర్తి వివరాలు అఫీషియల్ నోటిఫికేషన్‌లో తెలుసుకోవచ్చు. టెన్త్, ఇంటర్, డిగ్రీ పాస్ అయినవారు ఈ పోస్టులకు దరఖాస్తు చేసుకోవచ్చు.
వయసు: అభ్యర్థుల వయసు 18 నుంచి 25 ఏళ్లు మించకూడదు.
ఎంపిక విధానం: రాతపరీక్ష ద్వారా ఎంపిక చేస్తారు. రాతపరీక్షలో జనరల్ ఇంటెలిజెన్స్ అండ్ రీజనింగ్, న్యూమరికల్ యాప్టిట్యూడ్, జనరల్ ఇంగ్లీష్, జనరల్ అవేర్‌నెస్ లాంటి అంశాలపై ప్రశ్నలు ఉంటాయి. ప్రశ్నాపత్రం ఇంగ్లీష్, హిందీ భాషలో ఉంటుంది. మెరిట్, కేటగిరీ ఆధారంగా ఎంపిక చేస్తారు. రాతపరీక్ష తర్వాత స్కిల్ టెస్ట్, ఫిజికల్ టెస్ట్, ప్రాక్టికల్ టెస్ట్ ఉంటాయి.
దరఖాస్తు ప్రారంభం: ఏప్రిల్ 3, 2021
దరఖాస్తుకు చివరి తేదీ: మే 2, 2021
దరఖాస్తు విధానం: ఆఫ్‌లైన్‌లో దరఖాస్తు చేసుకునే అవకాశం ఉంది.
వెబ్సైట్: https://indianairforce.nic.in/